Statens arbeidsmiljøinstitutt

STAMI har som visjon at norsk arbeidsliv skal vera i stand til å skape arbeidsmiljø som førebyggjer sjukdom og fremjar god helse. Målet er at instituttet skal skape kunnskap om og kartleggja samanhengen mellom arbeid, sjukdom og helse, vurdere risiko og kome med framlegg til førebyggjande tiltak og gjere kunnskap om samanheng mellom arbeid og helse kjend i Noreg.

Statens arbeidsmiljøinstitutt (STAMI) er eit forskingsinstitutt, organisert under Arbeidsdepartementet (AD). Instituttet har meir enn hundre tilsette som skapar, brukar og formidlar kunnskap om arbeid og helse.

Vi har eit tverrfagleg kunnskapsmiljø med kompetanse innan medisin, fysiologi, kjemi, biologi, psykologi og andre fag. STAMI er engasjert i godt over 60 forskingsprosjekt kvart år. Dette er både grunnforskingsprosjekt som går over mange år og utgreiingar eller kortare studiar med eit praktisk utgangspunkt.

Instituttet retter seg mot alle delar av norsk arbeidsliv:

Vi kartlegg miljø- og helsetilhøve, vurderer faremoment og kjem med framlegg til førebyggjande tiltak på arbeidsplassane. Vi har ein arbeidsmedisinsk klinikk som greier ut pasientar med mogelege arbeidsrelaterte sjukdomar. Biblioteket vårt er ope for alle interesserte. Dessutan gjev me opplæring til verne- og helsepersonale og andre fagfolk. Me svarar alle på spørsmål om arbeid og helse.